Braai In OZ

Gelukkig vir die lede van die volk wat OZ toe kom is die plaaslike bevolking ook baie lief vir braai en die weer is goed genoeg dat mens lekker baie buite kan verkeer. Meeste huise hier het ook stoep/onthaal areas om buitelig brasserye in te hou.

Paar opmerkings :

Charcoal/Brikette : Het al die hele spul probeer en vind die beste waarde vir geld is "Heat Beads" :

Die goed maak ordentlike kole wat lank hou - vergelyk goed met Charka se produk. Dit werk die goedkoopste uit om die 10KG sakke aan te skaf, hulle kos enigeiets van $10-$15 en is orals beskikbaar.

Hout : Het al sukkses behaal deur met "Jarrah" te braai. Hy ruik nogal aangenaam maar jy't `n spul nodig omdat sy kole nie lank hou nie. Beste is om hom aan te vul met brikette dan het jy ordentlike kole saam met die lekker rook en vlamme wat mens soek as jy ordentlik wil braai. Mens kan die Jarrah per ton koop of in sakkies. Ek betaal op die oomblik $13 vir `n 15KG sak hier in Perth.


Vuuraanstekers : Mens kry orals die goed - soos die Blitz produk in ZA. Of as jy baie braai en meer prakties is - gebruik uitgedroogte tee-sakkies wat jy in Parafien sit. (Ek gebruik sommer die Diesel uit die Cruiser se ou diesel-filter uit as ek hom diens hiervoor)

Gas Braais : Mens koop die goed orals hier in allerhande grootes/kleure/geure met `n klein-huisie vol toebehore/parte beskikbaar. As jy een in ZA het, bring hom saam. Die groot standaard 9KG gasbottels hierso werk net so op `n ZA gasbraai. Die "regulators" het dieselfde skroef-draad. Los die bottel by die huis, hulle sal hom nie hier volmaak/omruil nie. Jy koop hier `n nuwe bottel en dan ruil mens die goed by jou plaaslike garage in vir `n vol een soos benodig.


Cadac goete : Bring jou Cadac goete saam - mens koop hier `n "adapter" dan loop hulle koning op die plaaslike gas bottels. Al die SA winkels (OZ is mos vervuil met die goed) het die adapters, noem dit iets soos : Campmaster gas converter (Cadac type). Jy moet die Cadac bottels los, hulle sal die goed nie hier volmaak nie. Hier's hoe die "converter" lyk :




Roosters : Jou normale toeknyp-rooster is duur hierso. Die plaaslike goed was ek al gesien het is relatief pateties en as jy `n ordentlike ding soek moet jy by die vrinlikke SA winkel in jou area gaan koop. Hulle sodomiseer jou dan op die prys. Pak jou roosters en kry sommer `n paar nuwes ook - hulle vat mos nie baie plek nie.

Potjies : Het al in die winkels die platboot-tipe gesien. Hulle roep hom `n "bush oven" hierso. Mens kry die 3-poot tipes by die SA winkel maar weereens ruk hulle die hoender op prys. Pak eerder maar in as jy het want dink nie jou skoonma gaan dit geniet as sy `n pot moet saam dra per handbagasie as sy kom kuier nie.

Internet/Selfoon as jy in OZ aankom

Ek was in dieselfde posisie as meeste van die volk toe ek in OZ aankom. Jy moet so vinnig as moontlik "online" kom sodat jy kan werk kry/familie kontak/facebook/porn download of wat ookal op die internet.

Paar opmerkings :

- jou ZA foon behoort hier te werk. My en vroulief se ou vrot Nokia's het sonder enige probleem gewerk.

- Moenie, ek herhaal MOENIE Vodafone prepaid koop vir jou internet konneksie nie. Ek het heel rustig hier aangekom en $100 se Vodacom prepaid gekoop, in my HSDPA modem gesit en gedink ek's die kat se snorbaarde. Volgende dag toe werk die @$#@ ding nie en ek sien toe daar's f-ol geld oor. Vodafone is ontsaglik duur met hulle MB koste.

- Vodafone se prepaid moet jy opas want die goed verval sommer vinnig. Moenie maak soos ek en $100 se airtime koop (dis nou vir die gewone telefoon en nie internet) en dink die geld gaan lank hou nie. Ek sit nou met $50 wat oor `n week verval (het $100 2 maande terug opgesit). Sal nou maar dat vroulief haar mamma in ZA bel en die geld uitklets voor dit verval. Jy moet ook "recharge" voor die laaste geld verval of die nommer verval.

- As jy sonder enige hare/kontrakte/bloedskenk `n internet konneksie wil aanskaf, kyk na 3 Mobile. (http://www.three.com.au/) Die ander spul soek almal kontrakte, al is die prepaid. Hulle is in meeste groot winkel sentrums, jy loop in, vul die vorm in, gee die kontant en stap uit met die modem en "voucher" vir data. Dink dit was so $120 vir die modem en dan $149 vir 12GB se data -daar is kleiner data eenhede. Let wel - die data pakket verval na `n jaar. Maak ook seker die puisiegesig agter die toonbank "activate" die storie vir jou. Die kalant wat myne hanteer het, het opgevoeter en ek moes eers deurbel om dit aan die gang te kry.

Vuurwapens na OZ

Baie van die volk wat na OZLand wil verhuis maak die fout om hulle vuurwapens by die plaaslike polisiekantoor in te handig sodat dit in aller tipe misdade in die republiek gebruik kan word.
As jy jag en jou wapens wil oorbring, doen dit gerus.

Ek is tans besig met die prosess en hiermee dinge soos ek dit tot nou toe gedoen het :

ZA se kant van die storie :
Gebruik Legally-Armed (http://www.legally-armed.co.za) in Kempton Park om te help. Hulle telefoon nommer is : 011 394 7961. Die dame om mee te praat daar is Wendy, sy's nog `n lid van die volk wat baie behulpsaam is en ken haar storie met die goete. Kry vingerafdrukke by jou vrinlike plaaslike polisiekantoor. Vat jou paspoort, ID en lisensies en gewere deur na Wendy toe. Dit help as jy die gewere ook klaar in ordentlike kaste het sodat hulle nie die goed moet laat maak nie. Ek het myne in 2 plastiek geweerkiste met spons binne-in oorgehandig. Maak ook net seker jy olie die goed ordentlik want jy weet nie in watse omstandighede hulle gestoor gaan word nie.

OZ se kant van die storie :
Skakel `n geweerwinkel in die stad waar jy gaan bly. Hulle organiseer dan `n invoerpermit sodat hulle die gewere invoer en hou tot jy jou OZ lisensies het. Die' permit word deurgestuur na Wendy toe sodat sy by die ZA Polisie uitvoerpermitte kan organiseer. As sy dit het voer sy die wapens direk uit na die geweerwinkel in OZ. Ek is in Perth en gebruik `n ou met die naam van Glen R. Goudie (Maatskappy : ABCYL PTY LTD, Tel : 61 8 9258 4100) . Hy't my ingelig dat hy tans besig is met 11 van die volk om hulle gewere oor te bring en klaar 30 van ons by sy plaaslike skietklub het.

Om `n lisensie in OZ te kry is baie soos in ZA maar sonder al die k.k waaraan ons daar gewoond was. Sluit by klub aan, doen aansoek en hulle doen onderhoude ens. en as jy nie krimineel is nie behoort jy lisensie te kry. Ek weet dit is die geval met "Permanent Residency" visa's, dinge kan anders werk op 457 en ander tydelike visa's. Indien hulle jou afkeur moet hulle dit kan verduidelik - nie net sommer die ou storie van afkeur sonder enige rede nie.

Ek bring net jag/hael gewere oor maar as jy rerig lief is vir jou handwapen is dit ook moontlik deur dieselfde proses te volg. Dit lyk net vir my die wapen moet dan by die skietklub bly waar jy dan skiet met hom. Jy't in elk geval nie `n handwapen by die huis hier nodig nie, Phineas het nog nie die plek oorgeneem nie.